Bashkia Shijak njofton qytetarët se nga 09.10.2026 deri më 10.11.2026 janë të hapura aplikimet për programin social të strehimit “Banesa me Kosto të Ulët”, për banesat që po ndërtohen nga Enti Kombëtar i Banesave në Shijak.

Aplikimi bëhet online në portalin e-Albania. Mund të aplikojnë banorët e Bashkisë Shijak mbi 18 vjeç, pa banesë në pronësi ose me kushte banimi nën normë, që nuk kanë mundësi të përballojnë një kredi bankare.

Qytetarët pa akses në internet mund të asistohen pranë zyrave të bashkisë dhe njësive administrative.

Njoftimi i plotë dhe lista e dokumentacionit gjenden bashkëlidhur.

Banesa me Kosto të Ulët

Informimi është një e drejtë e çdo qytetari dhe një nga themelet e një administrate të hapur, transparente dhe të përgjegjshme.

Sot, më 28 Shtator, kujtojmë rëndësinë e të drejtës për informim dhe të aksesit të qytetarëve në informacionin publik.

Bashkia Shijak vijon të punojë për:
• rritjen e transparencës dhe informimit të qytetarëve;
• lehtësimin e aksesit në informacionin publik;
• komunikimin e hapur dhe të drejtpërdrejtë me komunitetin;
• forcimin e pjesëmarrjes së qytetarëve në jetën publike.

Sepse një qytetar i informuar është një qytetar që mund të marrë pjesë, të kërkojë llogari dhe të kontribuojë më mirë në komunitetin e tij.

Informohu. Pyet. Merr pjesë.

Bashkia Shijak – më pranë qytetarëve, me më shumë transparencë dhe informim.

#28Shtator #DitaNdërkombëtarePërInformimin #E DrejtaPërInformim #Transparencë #BashkiaShijak

Bashkia Shijak njofton se do të zhvillohet dëgjesa e parë publike në kuadër të përgatitjes së Vlerësimit Strategjik Mjedisor (VSM) për Planin e Përgjithshëm Vendor të territorit të Bashkisë Shijak.

Data:14.08.2026
Ora:10:00

Vendi:Salla e Këshillit Bashkiak, Njësia Administrative Xhafzotaj (kati 3)

Ftohen të gjithë qytetarët dhe grupet e interesit të marrin pjesë për të dhënë mendimin e tyre.

Pjesëmarrja juaj është e rëndësishme!

Degjese Publike

Bashkia Shijak njofton të gjithë qytetarët e interesuar se duke filluar nga data 19 Maj 2026 janë hapur aplikimet për përfitimin nga programi social i strehimit “Banesa me Kosto të Ulët”.

Aplikimet do të kryhen online në portalin qeveritar e-Albania dhe do të jenë të hapura deri më 19 Qershor 2026.

Programi është i dedikuar për familjet dhe individët që plotësojnë kushtet ligjore për strehim social, sipas legjislacionit në fuqi.

📌 Aplikimi kryhet online nëpërmjet platformës e-Albania.
📌 Për informacion të detajuar mbi kriteret, procedurat dhe dokumentacionin e nevojshëm, konsultoni njoftimin e plotë në faqen zyrtare të Bashkisë Shijak.

Strehimi Social