Më datë 11.12.2025 u zhvillua mbledhja e parë e Këshillit Vendor të Sigurisë Publike në Bashkinë Shijak, gjatë së cilës u bë prezantimi me përfaqësuesit anëtarë dhe u zgjodh Sekretariati Teknik i KVSP-së, ku të gjithë përfaqësuesit shprehën gatishmërinë për bashkëpunim dhe koordinim institucional në funksion të parandalimit dhe zgjidhjes së çdo problematike që lidhet me sigurinë publike në territorin e Bashkisë Shijak.

Bashkia Shijak njofton publikimin e Planit të Barazisë Gjinore, dokument strategjik që synon promovimin e barazisë ndërmjet grave dhe burrave, parandalimin e diskriminimit gjinor dhe garantimin e mundësive të barabarta në jetën sociale, ekonomike dhe institucionale në territorin e bashkisë. Ky plan është hartuar në përputhje me legjislacionin në fuqi dhe politikat kombëtare për barazinë gjinore, duke vendosur në qendër përfshirjen, barazinë e shanseve dhe respektimin e të drejtave themelore të njeriut.

Bashkia Shijak njofton publikimin e Planit të Mbarështimit të Pyjeve, dokument strategjik dhe teknik që përcakton masat për administrimin, mbrojtjen dhe zhvillimin e qëndrueshëm të fondit pyjor në territorin e bashkisë. Ky plan është hartuar në përputhje me legjislacionin në fuqi dhe politikat kombëtare për menaxhimin e burimeve natyrore, me qëllim garantimin e një përdorimi të kontrolluar dhe afatgjatë të pasurive pyjore, ruajtjen e biodiversitetit dhe përmirësimin e cilësisë së mjedisit.